ابو ذيات(الف وسفه)

الف وسفه الوكت عنك بعدني...
اموتن وارتجي وصلك بعدني...
تراني عالعهد باقي بعدني...
ويضل هذا العهد للموت بيه...

اعيش بذكر صحبتكم بعدني...
ورغم الوكت جي عنكم بعدني...
براحة بال حسبالك بعدني...
صرت كَد العراق جروح بيه
.
حبك اعلى نص كَلبي علنته...
وحبنه سنين مااره علنته...
اغار عليك من انت على انت...
واغار عليك من اني عليه...

تعال شوف همي عده انت...
وكَلبي شعنده غيرك انت...
ازعل الناس كلهه عده انت...
لان زعلك قاسي عليه..

يامن للدنيا واعي وزين دارك
وأبد مايوم عني الوگت دارك
تعال الگلب مسكنه دراك
ماأهتم ولو نبض فلشه عليه
@@@
مشيت بأثر خطواتك ودربك
لان بيك الذهب كله ودُر بك
أعلمك عله الوفى وأتعب وادربك
وترد تنسه وتضمضمها عليه
@@@
هداب عيونك الحلوة ولني
وحنيني منوجد مثله ولاني
گبل حبك چنت عاقل ولني
صرت مجنون ليلى الجاهليه
@@@
وحگ من نزل بل قران نصَليَّه
حبيبي نص إلى بل روح نص ليه
لو أن الله بجهنم گال نصليه
أصيحن ربي دير ذنوبه بيه
@@@
أجيتك حرت أدك الباب يوله
غريب وبل غريب الوگت يوله
لعب بيه الزمان شلون جوله
دخيلك لاتصير وياه عليه

» ابو ذيات