مثل ظلك جنت بالخطوه نمشي اثنين
مشيت انه بظلام وتيهت ظلك
دليني عليك سنين تايه بيك
امشي وياي ادورك خاطر اندلك
عرفني اعله شخصك رايد احجي وياك
بس كلمه وبعد ماغيره انكلك
وحده من الثنين وحده راح اختار
لوكـــــــــــلك احـــــــــــــــــــــــــــبك
لو احــــــــــــــــــــــــــــــب كلـــــــــك
عندك نور يشبه نور الاهلال
لان انت كمر وهلال تنقاس
اصعد فوك بيتك باجر وشوف
اذا موعكب باجر صامت الناس