قــصــدة ( أمــي ) .. للــشــاعــر غــانــم الفــيــاض
..............
امي .. امي سجادة صلاتي
بليل الولايه الغريبه
وامي اجمل لوحه بعيون الحبيبه
امي الولايه الوحيدة التنطي كلشي .. تنطي كلشي بلا ضريبه
امي تاريخ العراق بين ايديها
امي ياطير الاشوفه يكول سلملي عليها
امي ماتعرف تعاتب والعتاب يضيع بأول ضحكه من نگبل عليها
بس تموت من القهر بلعيد اذا محد يجيها
واحنه ننذب شوكـ ونعرف حزنها
مثل ما جنا گبل وكت الطفوله ننام بس نندل ثديها
وامي بأيام الحرب دمعتها ساتر
يمنه جانت عينها ونسمع بجيها
واني اتحدى اليدور ذاكرة الحروب
ومايشوف عيون ودمعه بيها ....