يل ما خذ عيوني بوحشه البيبان
تيهت النظر مابين منك ليك
اخذ كل المواسم واطني موسم شوف
حته اكدر اشوفك من اسافر بيك
حته ارسم طريق يحده طول الشوف
من كد ماشفت صرت انه المتانيك
واشبر طول بعدك ما تحده اشبار
ابعد من صفات البال وين الكيك
اذا بيه انه ادورك انسه روحي وياك
اشو زحمه الطواري وضاع بس طاريك
يل نومك عبث وبنص جروحي تبات
تحملت الالم وبسكته ماوعيك
وخل جرحي عله جرحه وفكه كومه جروح
وجروح الملامه التنزف بناسيك
ناسي انسه انه طولك يا غريب الراي
يل بايع حياتي بشان بلجي اشريك
يل مامش لفاني بيوم طـــكني الشوك
وانه روحي عله جفك جا بعد شطيك
